2007年05月13日
一星期前的事件，實在令人感到傷感及惋惜，在這裡只好祝福他，在另一個世界活得快樂。
(0)2007年04月08日
自己熱愛足球，看到了電影節內有「施丹360」上影，當然沒有不捧場的份兒。「施丹360」主角當然是法國國家隊的「球王」施丹，事前已經知道這套戲，可謂施丹的記錄片。究竟有多「記錄」，在入場前我根本一無所知，於是懷著一個好奇的感覺去看這套戲。
「施丹360」取材自皇馬2005年主場迎戰「黃色潛水艇」維拉利爾的一場賽事。導演利用了17部攝影機，捕捉施丹場上的一舉一動。如果要看他的驚世足球技巧，可能會令你失望，因為此片不是什麼精彩片段精華，而是「緊盯」施丹的神態。不過自己卻認為十分特別，就好像坐在巴拿貝球場最前排當中，看著這個充滿球味的球員，在場上如何氣定神閒踢波。
你可以在片中看到他行行企企，慢跑又突然變速接應；隊友與他的配合，但又未能完成任務令他嘆氣。中段更以插花落底傳中，造就隊友打追成平手，而後來更因爭執領紅牌出場。在一個半時之內，我看到的不是在精華片段的施丹，而是一個在足球場上「真正的」施丹；影片捕捉施丹那個淡然的感覺，究竟在場上會何時被人遺忘？在片中出現的自白自己記得不太清楚，但他提到足球是有「宿命」這回事情。法國人在德國的那一個頭搥，又是否他不給人遺忘的宿命？
2007年04月05日
華懋集團發表聲明，指集團主席王龔如心在4月3日逝世，將會另行公布喪禮的安排。
龔如心身家豐厚，在《福布斯》去年3月公布全球富豪榜，龔如心排行第154，估計去年身家達328億港元，成為亞洲第一女富豪。她與家翁王廷歆 的世紀爭產案亦同樣矚目，爭產案糾纏了多年終由龔如心獲勝訴，接管丈夫遺下的300多億元財產，王廷歆則要支付6億元訟費。
但龔如心透過律師表示，為了保持家庭和諧，決定不會向王廷歆追討訟費，亦不追究王廷歆未有按法庭命令，披露誰人向他借出4100萬元打官司，世紀爭產案終於告一段落。
一個人其實真係好化學….
2007年02月17日
HD的確是無處不在……
滿以為HD只會在AV或PC上面出現，估不到就連流動平台都來湊一湊熱鬧。早前有機會玩玩兩部配置了HD DVD及Blu-Ray的Notebook。兩機規格很強，但價錢實在令人卻步，是三萬多元。究竟有幾多人會在這個小小的17吋顯示屏上面，看那些細緻的高清影片呢?
2007年02月15日
看罷驚神的「兩類人」之後，我亦在他那個Classic網站瀏覽了一次所有短篇小說。老實說他的文章屬於冷嘲熱諷之類，但又正中了事情內某些人的感受。
特意介紹「生產線上」這篇短篇小說，或者你會感受到我們前公司，是具有如何的生態環境。
這裡
2007年02月01日
要多謝h公司在南韓攪Event，再多謝阿頭對於班機時間的微言，我才有機會踏足韓國的土地。
1)語言幾乎不能。有D人直頭聽到你講第一句英文已經走人唔同你講
個Event有餐響酒店食野(5星)，問佢有冇Toothpick佢都唔知咩黎…
走果日諗住打去KAL機場巴士Hotline問野，講Hello之後又CUP我線….
反而行去D橫街食飯同佢地講普通話又會明，又會同你下傾計。
2)地鐵雖然複雜，但有中文字，好清晰，不過上車要留意自己第幾個站下車
留意車站既中文名，因為車廂入面係冇中文字車站名顯示的。
3)韓國人行路同香港人一樣咁快，唔駛怕自己行到快，同埋佢地唔多讓人
面對面行路好多時都膞頭撞膞頭…………唔駛理的
4)去東大門買衫，講普通話就OK，但，D衫又唔係特平，又旺角中心質素….
東大門有兩幢超超超大型旺角中心，由12點開到5點
5)明洞感覺上極似日本，好多年青人
6)食野上面石頭飯是必食的、韓燒又係好正，同香港既極之唔同，但我只食得一餐
因為出去食，一個人要叫兩份人食量既餐…..另外又冇食參雞湯……>_<
7)自己住果度叫Co-Op東大門，係Apartment來的，有簡單廚房，住都覺得OK，但我都係鍾意住酒店多D….
8)一定要去D乜宮物宮行下，都幾靚的。另外冇時間去滑雪，但一條友好似無聊 XDD
寫文時FOTOP.NET好似爪左，咩相都係出個叉圖比你，容後再貼張相響度。
2007年01月21日
飛膠鑊大學 高登學院 2007年度中國語文及文化統測
限時半小時
考生編號: 143578
—————————————————————————————————————–
《果日坐地鐵見到個女仔好離譜》- 我條女條仔
當時車廂唔係太多人,我同個女仔之間有個空位,後來有個男人想坐落來,點知佢同個男人講…呢個位有人呀,一陣就上車,你坐對面啦.個男人當佢透明就坐左係我地中間呢個位度.後來原來佢男友上車,佢就掉左去對面坐,仲啤住個男人同佢男友講話人地過份死都要坐落去.嘩,搭地鐵好似飲茶咁留位咩~ o的燦妹真係～
大家有問遇過以上情形?
或者你地有無做過同樣行為?(不過有都唔講啦!)
—————————————————————————————————————–
1a) 上文中, 故事主人翁如何得知留位的女生是燦妹? (5分)
b)何謂燦妹? (2分)
2) 你認不認同作者對「燦妹」有甚麼的看法? (3分)
3)試以中化觀點評論以上行為. (10分)
如感興趣
不妨作答